Obiter Dicta

Oso txukuna izan arren eta gaitasun baliagarri hori zure ordenagailuan isladatzen saiatuta ere, noiz edo noiz zure disko gogorra bikoiztutako artxiboez gainezka dagoela topatuko duzu. Hala da, behintzat, nire kasua, eta gainontzekoek gaitz bera pairatzen dutela sinistea aringarria da niretzat, aringarri pobrea. Irudi mordoa dut ~/argazkiak direktorioan, eta beste mordoa  ~/Dokumentuak/argazkiak direktorioan. Sudurra jokoan jartzen dut, baietz lehenengo direktorioko irudi askok bigarrenean bikiak aurkitu.

Arazoa dugu, hortaz. Ez espaziokoa ezinbestean, zorionez gaur egun GB nahiko merke dabilelako. Ordeneko problema dugu. Ez zait atsegin argazkiak han eta hemen izatea, eta ez zait atsegin manualak PDFn errepikatuak izatea. Garbiketa egitea beharrezkoa izango da.

Garbiketa eskuz egitea benetan gogaikarria izango litzateke, ez-eraginkorra ezezik: ¿nola jakingo ote dut bi artxibo berdinak direla, izen berdina izan arren ezberdinak izan badaitezke, edota izen ezberdina izan arren berdinak izan badaitezke? Errazenera joko dugu: makinak egin dezala. Eta horretarako dira FDUPES bezalako asmakizunak (gehiago Wikipedian), artxiboak MD5 hash delakoaren bitartez konparatuko dituena, eta bukatutakoan, bikoiztutako artxiboen zerrenda erakutsiko dit, zein ezabatuko dudan erabaki dezadan.

Direktorio jakin baten barruan bikoiztutako artxiboak bilatzeko sintaxia oso erraza da:

fdupes -r ~/Dokumentuak/argazkiak

Agindua ezagutzen zenutenei, barkatu igandeko minutu baliagarriak lapurtzeagatik. Besteoi, espero dut baliagarria izango zaizuela.

Esta entrada fue publicada el Sunday, 21 de December de 2008 a las 17:12 y está clasificada bajo: Informática y tecnología. Puede hacer un seguimiento de los comentarios de esta entrada gracias al feed RSS 2.0. Puede dejar un comentario, o enviar un trackback desde su sitio.